وه غاز كوشنده ك له‌لايه‌ن رژيم وه‌رينه‌و ئه‌نجام دريا.
راپۆرته‌يل رووژنامه‌گه‌ری ك(شه‌فه‌ق نيوز)ئاگاداری بوی، ئه‌وه ده‌رخست ك نزيكه‌ی ٢٠ كه‌س له قوربانيه‌يل ئه‌و په‌لاماره شكايه‌ت به‌رزه‌و كردنه له مانگ حزه‌يران گوزه‌يشت له پاريس وه تومه‌ت له‌ناوبردن و ئه‌نجامداين تاوان دژ ئنسانی وه ئه‌وه‌ك ده‌زگايه‌يليگ فره‌نسی ئه‌و مادده‌يل كيمياويه دانه‌سه رژيم وه‌رين.
له‌و راپۆرته‌يله يه‌يش ده‌ركه‌فت ك دادوه‌ره‌يل ئه‌و وڵاته له ئاكام ئی شكايه‌ته‌يله ڕی وشوون گرنه‌وه‌ر ئه‌را وازكردن دوسيه‌ی پرس وپرسكاری و ده‌سنيشانكردن ئه‌و ده‌زگايه‌يل فره‌نسيه ك ده‌س داشتنه له‌داين ئی مادده‌يل كيمياويه وه رژيم وه‌رين عراقی.
جی باسه، له ١٦ی مانگ ئادار ساڵ ١٩٨٨ ته‌ياره‌يل عراقی له ناوچه‌ی هه‌ڵه‌بجه‌و ده‌وروه‌ری ده‌سكردنه وه‌شانن غاز خه‌رده‌يل و سارين و غازه‌يل تر، ك له‌ئاكام ئه‌و بوردمانه په‌نج هه‌زار ئاده‌ميزاد كورد بيتاوان گيان له‌ده‌سدان و هه‌زارانيش تويش نه‌خوه‌شی جواروجوور هاتن.
ج . أ