له‌به‌ياننامه‌يگ ئمزاكرياگ له‌لايه‌ن ٨٨ ئه‌ندام له جه‌م ١١١ ئه‌ندام ئه‌را(شه‌فه‌ق نيوز)نويسانه: ئيمه‌ی ئه‌ندام په‌رله‌مان كوردستان و له فراكسيۆنه‌يل جياجيا ئاشكرای هه‌ڵويست خوه‌مان كه‌يم و خواسته ك هه‌ڵه‌په‌ڵه بكريه‌يد ئه‌را ره‌سين وه ريككه‌فتن و ده‌سنيشانكردن ده‌سه‌ی سه‌رۆكايه‌تی په‌رله‌مان تا بتويه‌نيم وه زويترين وه‌خت دانيشتنه‌يل ئاينده ساز بكه‌يم.
جی باسه، ئه‌ندامه‌يل په‌رله‌مان له به‌ياننامه‌گه‌يان جه‌خت له‌وه كردن ك وه‌رده‌وامی دوياخستن دانيشتنه‌يل په‌رله‌مان بووده هووكار دوياخستن دامه‌زرانن حكوومه‌تيش و دوياخريش په‌رله‌مان توانايی جيوه‌جيكردن ئه‌رك شه‌رعی و چه‌وديری نه‌يريد.
ج . أ