له به‌ياننامه‌یگ مه‌ڵبه‌ند هه‌يشت رێكخستن يه‌كێتی نيشتمانی كوردستان له خانه‌قين ئه‌را (شه‌فه‌ق نيوز) ئه‌وه ده‌ركه‌فت ك دويای كووتاييهاتن هه‌ڵوژاردنه‌يل ئه‌نجوومه‌ن پاريزگايه‌يل عراق، يه‌كێتی هه‌وڵ فره‌يگ داگه ئه‌را ده‌رخستن ليست كوردستانی و به‌شداركردنی له دياله‌و په‌يوه‌س بويه وه ئه‌وه‌ك پۆست سه‌رۆك پاريزگای دياله ئه‌را كانديكرياگ فه‌رمی كورد بوود له يه‌كێتی نيشتمانی كوردستان، وه‌لی ليست حزب ئسلامی عراقی دياله قه‌ناعه‌ت وه كانديديگ ری وه‌پی نه‌درياگ له‌لايه‌ن يه‌كێتيه‌و كردگه ئه‌را وه‌رگرتن پۆست جيگر پاريزگار دياله.
له‌و به‌ياننامه يه‌يش ده‌ركه‌فت ك كرده‌وه ئاشكرای پلانيگ ناوه‌جی ئه‌كاو ئامانجی بيبه‌ش كردن كورده له‌پۆست سه‌رۆك ئه‌نجوومه‌ن پاريزگای دياله.
ج . أ