.
مه‌ريوان نه‌قشبه‌ندی ئه‌را(شه‌فه‌ق نيوز)وت: وه‌زير ئه‌وقاف وه‌گشت ريز و حورمه‌تيگه‌و باس له سروود نيشتمانی ئه‌ی ره‌قيب و حورمه‌ت خوين شه‌هيده‌يل كردگه‌و له‌وه‌خت خوه‌نين ئه‌و سرووده وه حورمه‌ته‌و ئه‌رای وسيه‌يده پاوه.
نه‌قشبه‌ندی ئاماژه وه‌يه‌يش كرد ك وه‌زير ناوبرياگ خوازياره له يه‌كێتی زانايه‌يل ئايينی ئسلامی و ليژنه‌ی فه‌تواداين له كوردستان شيه‌وكردن پيشكه‌ش بكه‌ن له‌باوه‌ت حورمه‌تگرتن له‌ی سرووده.
جی باسه، ئه‌ندامه‌يل تازه‌ی هه‌ڵوژارياگ په‌رله‌مان كوردستان هه‌ڵنه‌سيان جه‌ماعه‌ت ئسلامی كوردستانی له‌وه‌خت خوه‌نين ئه‌و سرووده له يه‌كه‌مين دانيشتن په‌رله‌مان ره‌ته‌و كردن و له‌هه‌مان وه‌خت ئسلاميه‌يليش ئه‌و سرووده وه ناياسايی تاريف كردن وه ئه‌وه‌ك گوزارش له پيكهاته‌يل كوردستان ناكا.
ج . أ