شەفەق نیوز/ دۆناڵد ترەمپ سەرۆک هەڵوژیاگ ئەمریکا، دەسکردن وە فرووش کتاوە نووەگەی راگەیان وەناونیشان "ئەمریکا رزگار بکەن"، کە لەناوی باس ماوەیەی سەرۆکایەتی یەکەمی کەێد و نووڕینی ئەرا سەرۆکایەتی بانانی.

ترەمپ لەبان "ترۆس سوشيال" و"ئێكس" نویسان: "ئیرنگە وەخت رزگارکردن ئەمریکا هاتگەر لە یەی کتاو ئەو سحرە نشان دەێد کە بویە بەشەمان و هەمیش دووارە ئەوەسا کەفێدە دەسمان، نووترین کتاوەیلم بسینن (ئەمریکا رزگار بکەن)".

وەگورەی کوڵەباسیگ لە کتاوەگە، نووڕینیگ بوینە لەبان ئەو چوار ساڵە لە سەرۆکایەتیی پیشکەش کەێد، وەگەرد رووشنایی خستن وەبان وەدەسهاوردن و نووڕین بانانی.

کتاوەگە چەن باوەتیگ هاناوی جویر دانوسەنینەیل بازرگانی و کەمکردن باج و دیبلۆماسی ناودەوڵەتی و ئاسایش سنوور.

نرخ کتاوەگە رەسێدە ٩٩ دۆلار، و ئەو چاپەیلە کە واژوو دۆناڵد ترەمپ هابانیان وە نرخ ٤٩٩ دۆلارە.