شەفەق نیوز/ زانایەیل چینی تفەنگیگ دروس کردن تا وەگەرد درۆن کار بکەێد، کە جویر گامیگ گەورەی لە تەکنیک جەنگ "جەنگ درۆن"، وەگورەی سایت ساوت چاینا مۆرنینگ پۆست.
ئەو تفەنگ نووە کە تیمیگ زانستی لە کۆلێژ ئەندازیاری میکانیکی و کارەبایی لە باکوور وڵات چین دروسی کردن، چویر تەواوکردنە ئەرا هویرکردنەیل وەرین.
ئەو تفەنگ فیشەک 7.62 هن کلاشینکۆف خوەێد، وەلێ تەکان وەرەودویای فرە فرە کەمە، کە زانایەیل وتنە هەکاتی کلیکنانە وەبان دوگمەی کۆمپیوتەر.
درۆنەیل ئیرنگە تەنیا توەنن بومب دەسی بوەشنن، لەوەر سەختی رەفتارکردن وەرد تەکان تفەنگ، کە هیلێد بیخود بوود.
وەلێ ئی تیمە یەی کونایگ لە پشت لویلەی تفەنگەگە دروس کردن تا تەکان تەقیان بارووتەگە کەمەو بکەێد.