شەفەق نیوز/ وڵات سعودیە یەکەمین نەشتەرگەری تەواو لەرێ  رۆبۆت ئەرا چاندن دڵ گەنجیگ خوار تەمەن 16 ساڵان ئەنجامدا لەبان ئاست جەهان.

 ئاژانس "واس" فەرمی بڵاویکرد، نەشتەرگەریەگە لە خەستەخانەی مەلیک فەیسەڵ ئەرا گەنجیگ ئەنجامدریاس کە بیماری سستبوین دڵ پلە چوار داشتیە.

نەشتەرگەریەگە سێ ساعەت وەپی چگە وەلایەن تیمیگ پزیشکی وە سەرۆكایەتیی دكتۆر فراس خەلیل، سەرۆک بەش نەشتەرگەریی دڵ سەرپەرشتی کریاس، لەدویای ئامادەکاریکردن ماوەی چەن هەفتەیگ.

وەپای  ئاژانس خەوەری سعودی، خەسخانەی مەلیك فەیسەڵ لەناو ریزبەن خاسترین 250 خەسخانەی بان ئاست جەهان وەلایەن   گۆڤاری “نیوزویك”ی ئەمرکی دیاریکریاس.

 .