عه‌لی باپیر، ئه‌میر كۆمه‌ڵ ئسلامی و نێچیرڤان بارزانی سه‌رۆك شاند دانوستانكار پارتی ئه‌ڕا گفتوگووه‌يل تایبه‌ت وه پێكهاوردن حكوومه‌ت نوو له‌و كۆنفرانس رووژنامه‌نويسیه ديداره‌گه‌يان وه ئه‌رێنی ناوبردن.
عه‌لی باپیر له‌و كۆنفرانس رووژنامه‌نويسیه ئاشكرايه‌وكرد: بايه‌سه كابینه‌ی نوو ده‌رس وه‌بگرێ له هه‌ڵه و كه‌موكوڕیه‌یل كابینه‌ی وه‌رين، بايه‌سه میكانیزمێگ دابنريه‌ێد ئه‌ڕا گه‌ره‌نتی كردن جێوه‌جێكردن ئه‌و به‌رنامه ك لایه‌نه‌گان له بانی رێككه‌فن.
وتیش: له‌شوون هه‌ڵوژاردن ده‌سه‌ڵات و ئۆپۆزسیۆن نه‌مه‌نگه، وه‌لی وه‌ل گۆڕان و یه‌كگرتوو راوێژ له باره‌ی پێكهاوردن و به‌شداری كردن له حكومه‌ت وه‌رده‌وامه، مه‌رجیش نییه ك هه‌ر سگیان له باره‌ی به‌شداری كردن له حكومه‌ت یه‌ك بڕیار بيه‌ن، وه‌لی ئوميدوارن له‌و باره‌وه بڕه‌سنه فامستنێگ هاوبه‌ش ئه‌ڕا ئه‌وه‌گ وه‌يه‌كه‌و وه‌ل دو لایه‌نه‌گه‌ی تر به‌شدار حكومه‌ت بوون.
له‌لای خوه‌يشیه‌و نێچیرڤان بارزانی وت" بنه‌مای هاوپه‌یمانيه‌تی كورسی نییه به‌ڵكو به‌رنامه و كار هاوبه‌شه".
ئه‌وه‌يش خسته‌ڕوی ئه‌گه‌ر وه‌ل لایه‌نه‌گان ڕێككه‌فتیمن له بان به‌رنامه‌یگ ئه‌ڕا حكومه‌ت ئاينده، میكانیزمێگ دانه‌یمن ئه‌ڕا جێوه‌جێكردن ئه‌و به‌رنامه.
نێچیرڤان بارزانی باس له‌وه‌يشكرد له جه‌م ئه‌و دیداره‌يله ك ئه‌نجامی داگه گه‌شبینه وه‌وه ك كريه‌ێد حكومه‌تێگ هاوبه‌ش سازبكريه‌ێد ك له‌تێ گشت لایه‌نه‌گان له بان به‌رنامه‌یگ ئه‌ڕا كار هاوبه‌ش رێكبكه‌فن.
ا. ج