شه‌فه‌ق نيوز/ نويسينگه‌ى سه‌يد عه‌لى سيستانى مه‌رجه‌ع باڵاى ئايينى، ئاشكراى كرد سوو چوارشه‌ممه يه‌كه‌م رووژ مانگ شه‌وال و جه‌ژن ره‌مه‌زان پيرووزه.
نويسينگه‌ى سيستانى له به‌ياننامه‌يگ وت: ئيواره‌ى ئمڕوو سێشه‌ممه 29 مانگ ره‌مه‌زان، مانگ له چه‌ن ناوچه‌يگ جياجيا له عراق و ده‌وڵه‌ته‌يل هاوسا وه چه‌و دوينرياگه‌و هه‌ر له‌وه‌ر ئه‌وه‌يش سوو چوارشه‌ممه يه‌كه‌م رووژ مانگ شه‌وال و جه‌ژن ره‌مه‌زان پيرووزه.
جى باسه، ديوان وه‌قف سنى و مه‌جمه‌ع فقهى عراق دويه‌كه ئاشكراى كردن ك ئمڕوو سێشه‌ممه يه‌كه‌م رووژ جه‌ژن ره‌مه‌زانه.