سينغ له‌ وتاريگ له‌وه‌خت ديداری وه‌ل نوری مالكی سه‌رۆك وه‌زيره‌يل عراقی ك(شه‌فه‌ق نيوز)ئاگاداری بوی، وت: جی خوه‌شاڵيه‌ ئه‌ڕام پيشوازی له‌ سه‌ركرده‌ی نه‌ته‌وه‌يگ بكه‌م ك خاوه‌ن ژيار گه‌ورايگه‌و له‌هه‌مان وه‌خت هاوخه‌می خوه‌مان نيشانده‌يم له‌وه‌رانوه‌ر ئه‌و ژانه‌يله‌ ك تيه‌يده‌ تويش ملله‌ت وڵاته‌گه‌دان وه‌ده‌س ترۆريسته‌يل و سه‌رساميم وه‌ ئيراده‌ی بته‌ودان له‌ بنياتناين ده‌وڵه‌ت له‌سای ئه‌و هه‌مگه‌ بار سه‌خت ناوخوه‌يی و ده‌ره‌كيه‌ ك تيه‌يده‌ تويشدان.

سينغ باس له‌و په‌يوه‌نديه‌يل تاريخييشه‌ كرد وه‌ل عراق ك چووده‌و ئه‌را سه‌ده‌يل زويترو له‌هه‌مان وه‌خت جه‌خت له‌بان ئه‌وه‌يش كرد ك ملله‌ت هند په‌يوه‌سن وه‌ ناوچه‌يل پيرووز له‌عراق و ئه‌و سه‌ردان و زياره‌ته‌يله‌ ك ئه‌نجامی ده‌ن ئه‌را پاريزگايه‌يل نه‌جه‌ف و كه‌ربه‌لاو سامه‌ڕاو كازميه‌و شێخ عه‌بدولقادر گه‌يلانی له‌ به‌غدا.

ج . أ