وه‌قسه‌ی كه‌سه‌يليگ شايه‌تحاڵ ئه‌را (شه‌فه‌ق نيوز)، دويه‌كه ئيواره له ناوچه‌ی شوعله له به‌غدا جه‌نگ و كيشمه‌كيش كه‌فته ناونی هه‌ردوگ هووز فرێجات و فواوده، ك له‌تی كابرايگ له هووز فواوده كوشياو چه‌ن كه‌سيگيش زه‌خمدار بوين بيجگه ويرانكردن ده‌يه‌ها ماڵ و كه‌فته‌نه‌وه‌ی زه‌رده له ده‌يه‌ها ئۆتۆمۆبيل.
شايه‌تحاڵه‌يل باس له‌وه‌يش كردن ك له‌و جه‌نگه چه‌ك سووك و ناره‌نجه‌ك وه‌كار هاورياگه‌و پياوه‌يل پۆليسيش وه شماره‌ی فره‌يگه‌و له‌گشت ده‌روازه‌يل شوعله‌وه روی كردنه‌سه ناوچه‌گه ئه‌را وساننه‌وه‌ی ئه‌و جه‌نگ و كيشمه‌كيشه.
ا. ج