ئه‌را سه‌رۆكايه‌تی ئه‌نجوومه‌ن پاريزگای نه‌ينه‌وا.
له‌ی باوه‌ته‌و، سه‌رچه‌وه‌يگ ئه‌را(شه‌فه‌ق نيوز)وت: به‌شار كيكی ئه‌ندام ليست برايه‌تی و وه‌يه‌كه‌و ژيان له حكوومه‌ت ناوچه‌يی هه‌ڵوژرياگه ئه‌را سه‌رۆك ئه‌نجوومه‌ن پاريزگای نه‌ينه‌واو "نوره‌دين يونس"يش له ئئتلاف نه‌هزه جوور جيگری هه‌ڵوژرياگه.
سه‌رچه‌وه‌گه هه‌ميش وت: كيكی ٢٩ ده‌نگ وه‌ده‌سهاوردگه له‌وه‌رانوه‌ر عه‌بدولڕه‌حيم شه‌مه‌ری له‌بان ليست نيشتمانی ك شه‌ش ده‌نگ وه‌ده‌س هاورد.
جی باسه، ليست برايه‌تی و وه‌يه‌كه‌و ژيان پله‌ی يه‌كه‌م وه‌ده‌س هاورد له هه‌ڵوژاردنه‌يل پاريزگای نه‌ينه‌واو ١١ كورسی كه‌فته‌پی و له‌شوون ئه‌ويش فراكسيۆن متحه‌دون ٨ كورسی و ئيجا ئئتلاف وه‌فا ئه‌را نه‌ينه‌واو دويای ئه‌ويش ئئتلاف نه‌ينه‌وای يه‌كگرتگ وه ٤ كورسی و باقی ليسته‌يل تريش كه‌متر كورسی كه‌فته پيان.
ج . أ