هه‌ڵگورد عه‌بدولوه‌هاب وه‌ڕيه‌وبه‌ر گشتی ره‌سانن و چاپه‌مه‌نيه‌يل له وزاره‌ت رووشنهويری هه‌رێم كوردستان له لێدوانيگ ك (شه‌فه‌ق نيوز) ئاگاداری بوی، وت: وزاره‌ته‌گه ئاماده‌س ده‌رفه‌ت بياده كه‌ناڵه‌يل كوردی وه‌تايبه‌ت ئه‌و كه‌ناڵه‌يله ك له‌دانيمارك به‌سريان وه‌خاتر په‌خشكردن به‌رنامه‌يليان، ئه‌ويش وه‌مه‌رجيگ موڵه‌ت فه‌رمی له هه‌ردوگ وزاره‌ت ناوخوه‌ی و په‌يوه‌نديه‌يل حكوومه‌ت هه‌رێم وه‌ربگرن و مه‌رجه‌يل ياسايی په‌يڕه‌و بكه‌ن تا بتويه‌نن وه ئازادی له‌ناو هه‌رێم كاره‌يليان ئه‌نجام بيه‌ن.
عه‌بدولوه‌هاب جه‌خت له‌وه‌يش كرد، ك حكوومه‌ت هه‌رێم كوردستان له‌ڕوی ئاسايشه‌و مقه‌يه‌تی له‌و كه‌ناڵه‌يله ئه‌كا تا بتويه‌نن وه ئازادی به‌رنامه‌يلیان په‌خش بكه‌ن جوور باقی كه‌ناڵه‌يل و نويسينگه‌يل تر ره‌سانن جه‌هانی و عه‌ره‌بی.
جی باسه، له سه‌ره‌تای ئی مانگه حكوومه‌ت دانيماركی بڕيار به‌سانن كه‌ناڵه‌يل"رۆژ تی ڤی" و " ئێم ئێم سی" و" نوچه تی ڤی "دا.
ج . أ