مورته‌زا سه‌عدی ك له‌دويای كوشيان يه‌كيگ له كوڕه‌يلی له‌لايه‌ن ريكخرياگ قاعيده دياله هيشته‌جی و چيه‌ڕا كه‌ربه‌لا ئه‌را (شه‌فه‌ق نيوز) وت: هه‌رچه‌نی ئه‌و هه‌مگه كرده‌وه‌يل تيرۆريستی و هه‌زاران تاوان نائنسانيه له‌لايه‌ن گرووپه‌يل تيرۆريستيه‌و ئه‌نجام دريه‌ن له دياله، وه‌لی هێمان تائيسه حوكم له سێداره‌داين گومه له‌وه‌ر هووكاره‌يل فره‌يگ و له‌وانه‌يش ناتوانی هێزه‌يل ئاسايش و ده‌سوه‌رداينه‌يل سياسی له‌ماوه‌ی گوزه‌يشته.
سه‌عدی هه‌ميش وت: فره‌يگ له‌وانه‌ك له زندان ئازاد كريانه دوباره ده‌س كردنه‌سه هه‌ڕه‌شه له هاووڵاتيه‌يل، هه‌ر له‌وه‌ر ئه‌وه‌يش بايه‌سه هه‌ق قوربانيه‌يل تيرۆر له‌وه‌رچه‌و بگيريه‌د و حوكم له سێداره‌داين وه‌ئاشكرايگ ده‌رهه‌ق ئه‌و تيرۆريسته‌يله ده‌ربكريه‌يد له مه‌يدانه‌يل خوه‌ينيشانداين و گووش نه‌دريه‌يده فشار و داواكاريه‌يل ناوده‌وڵه‌تی ك هه‌ق قوربانيه‌يل پشتگووش خستنه‌و بويه‌سه مايه‌ی مه‌ويسی ملله‌ت عراق.
ج . أ