له‌وه‌ختيگ ك ئه‌مريكا ده‌س ئه‌كاده بوردمانكردن سوريا.
عه‌لوانی ئه‌را(شه‌فه‌ق نيوز)وت: ئه‌و قسه‌يله ك له‌وه‌رده‌م خوه‌ينيشانده‌ره‌يل وتمه‌سه‌ی زانياری دروسيگه‌و جه‌خت له‌وه كه‌ن ك قاسم سلێمانی سه‌رۆك فه‌يله‌ق قودس ئيرانی پلان ئه‌را ته‌قاننه‌وه‌ی مه‌زارگه‌ی سه‌يده زه‌ينه‌ب و مه‌زارگه‌ی تر له به‌غدا دانه‌يد له وه‌ختيگ ك ئه‌مريكا ده‌س بكاده بوردمان سوريا، ك يه‌يش وه‌خاتردروسكردن ئاشوو تايفه‌گه‌ری و جه‌نگ تايفی ك له‌لايه‌ن ميليشيايه‌يل سه‌ر وه ئيرانه‌و ده‌س وه‌پی بكا، هه‌ر له‌وه‌ر ئه‌وه‌يش ئيمه وشداری له‌و پلانه دايم تا ئاگر ئاشوو نه‌كه‌فيده‌و جوور ئه‌وه‌ك رويدا له ٢٠٠٦.
عه‌له‌وانی هه‌ميش وت: جی داخه ك بڕيگ له كه‌ناڵه‌يل ئاسمانی قسه‌لم ئاڵشت كردنه، وه‌لی تومار ده‌نگه‌يلم هه‌سه‌ی و گشت كه‌سيگ ئه‌تويه‌نيد بژنه‌فيده‌ی، چوينكه من وتمه ئه‌وه‌گ خوازيار دروسكردن ئاشوو تايفه‌گه‌ريه وه‌گشتمانه‌و روی وه‌ڕوی بويمنه‌وه‌و هان مه‌ردم نه‌يامه ئه‌را كوشتن شيعه‌و ئی قسه‌يله ك نرياسه ده‌ممه‌و گشتی درووه.
ج . أ