شفەق نيوز/ عراق لە پلەی 123 جیهانی و 11ی عەرەبی هات لەناو خاسترین دەوڵەتەیل ئەرا ژنەیل لە ساڵ 2025.

گۆڤار "cow world" لە راپۆرتیگ کە ئاژانس شەفەق نیوز لەلی ئاگادار بوی وت: توێژینەوەگە لەبان 156 دەوڵەت کریاس لە بنەمای نۆ پەیمانەی جیاجیا،

لەناویان یەکسانی ناوەین دوو رەگەز، و ریژەی کورسیەیل ژن لە پەرلەمان، و چەنیگ لە تەمەن 15 ساڵان ئەوبان تویەنن وە تەنیا وە شەو بگەردن، و یەکسانی لە داهات، و توانادارکردن ژن، و گرنگیدان وە مافەیل مرۆڤ، و ئاست خوەنەواری ژن، و ریژەی ئەو ژنەیلە لە تەمەن 25 ساڵان ئەوبان کە وە کرا کار مەن، و ئاست تیکەڵبوین ژن لەناو کۆمەڵگا.

وەگورەی گۆڤارەگە، عراق کەفتە پلەی 123 جیهانی، لە بنچینەی 156 دەوڵەت لە خاسترین دەوڵەتەیل ئەرا ژنەیل وە 68.73 لە 100 و لە پلەی 11 عەرەبی ئەرا ساڵ 2025.

لەڕوی جیهانی، هۆڵەندا لە پلەی یەکەم هات لە خاسترین دەوڵەتەیل ئەرا ژنەیل وە 99.7، ئیجا نەرویژ وە 99.4 خاڵ، و سوید 99.2 لە پلەی دویەم و سێیەم، و دانیمارک کەفتە پلەی چوارەم وە 97.8 خاڵ.

هەشت دەوڵەت لە خاسترین دەوڵەتەیل ئەرا ژنەیل لە ئەوروپا بوین، لەلییان فینلاندە لە پلەی پەنجەم، و سویسرا لە پلەی هەفتەم، و فەرەنسا لە پلەی نۆهەم، و ئەڵمانیا لە پلەی دەهەم، و لە دویادویای لیستەگە کەنەدا لە پلەی شەشەم و نیوزلاندە لە پلەی هەشتەم بوین.

 لەڕوی عەرەبیەو، سعودیە لە پلەی هات، ئیجا عومان، و ئوردن، و ئیمارات و جەزائیر و سودان، و قەتەر لە پلەی هەفتەم بوی.

وتیش: کوێت لە پلەی هەشتەم، و لوبنان نۆهەم، و لیبیا دەهەم، و عراق لە پلەی 11 و میسر 12 و تونس 13 و بەحرەین لە پلەی 14 هات.

لە دویادویای لیستەگە، ئەفریقای ناوڕاس لە پلەی دویایین بوی وەگەرد سۆماڵ.