محه‌مه‌د عه‌لی ئه‌لحه‌كيم مه‌ندوب هه‌ميشه‌يی عراق له نه‌ته‌وه‌يل يه‌كگرتگ، له دانيشتن ئه‌نجوومه‌ن ئاسايش ناوده‌وڵه‌تی ك دويه‌كه ساز كريا ئه‌را چه‌وديری راپۆرت ئه‌ميندار گشتی له‌باوه‌ت كلكرياگ يونامی، وت: من دووس ديرم مه‌يل حكوومه‌ت كومار عراق ئه‌رادان بخه‌مه روی له دريژه‌وكردن ولايه‌ت كلكرياگ نه‌ته‌وه‌يل يه‌كگرتگ ئه‌را ماوه‌ی ساڵيگ تر وه‌گووره‌ی ئه‌و بنه‌مايه‌يل بريار ئه‌نجوومه‌ن شماره ١٧٧٠ی ساڵ ٢٠٠٧و كلكرياگه‌گه وه‌رده‌وام بوود له كاره‌يلی له‌عراق.
ئه‌لحه‌كيم هه‌ميش وت: حكوومه‌ت عراقی ئوميده‌واره له كلكرياگ يونامی ك هه‌وه‌جه‌يل لۆجيستی دابين بكا ئه‌را زه‌مانه‌تكردن شماره‌ی خاسيگ له چه‌وديره‌يل وه‌خاتر زه‌مانه‌ت مه‌سه‌له‌ی هه‌ڵوژاردنه‌يل نوێنه‌رايه‌تی ك بڕياره له نيمه‌ی يه‌كه‌م ساڵ ئاينده ئه‌نجام بگريد.
ج . أ