عومه‌ر محه‌مه‌د خالدی وه‌ڕيه‌وبه‌ر نويسينگه‌ی فرووشتن كومپانيای ترافڵ بۆرت له كوردستان عراق له باسيگ ئه‌را(شه‌فه‌ق نيوز)وت: ئی كومپانيا سيستم گه‌شت و گه‌شتياری و خه‌ته‌يل ئاسمانی ئه‌يه‌ريده به‌رهه‌م و سيستم تايبه‌تيگه ئه‌را دابينكردن تكت ته‌ياره‌ی جوور گايليۆ وۆرد ئسبان و ئه‌بلۆ و هه‌ميش سيستم تازه‌يگيش ديريد ئه‌را دابينكردن ميوانخانه‌و سه‌ياره‌و شه‌مه‌نده‌فه‌ر له ماوه‌ی چه‌ن ده‌قه‌يگ.
ناوبرياگ يه‌يش ده‌رخست ك نويسينگه‌گه‌ی نوێنه‌ر ئی كومپانيای سه‌ره‌كييه‌سه له كوردستان ، ك ئه‌ويش نويسينگه‌ی ترافڵ بۆرته‌و له هه‌مان وه‌خت نوێسينگه‌ی ره‌كييش ديريد له به‌غداو باقی پاريزگايه‌يل تر نه‌جه‌ف و كه‌ربه‌لاو به‌سره‌و تكريت و هه‌ولێر و سلێمانی.
جی باسه، بريار دانان ئی سيستم تازه له‌شوون لاوردن به‌ند هه‌فته‌م هات له‌بان عراق ك نه‌ته‌وه‌يل يه‌كگرتگ له‌ساڵ ١٩٩٠ له‌بان عراق چه‌سپانه‌ی.
ج . أ