له كومه‌ڵگه‌ی ته‌ل قسه‌ب له‌ناوڕاس قه‌زاگه.
ئه‌و سه‌رچه‌وه له‌باسيگ ئه‌را(شه‌فه‌ق نيوز)وت: هيزه‌يل ئاسايش له‌باوه‌ت ئه‌و رويداگه ك له‌ناونی سه‌عات ١٠و ١١ی شه‌وه‌كی رويدا گومان داشتنه چوينكه هويچ كه‌سيگ بيگانه له‌و سه‌عاته‌يله ناته‌سه ناو قه‌زاگه‌و ده‌رنه‌چيه‌و ئه‌و خيزانيشه ك سه‌ربڕيانه سه‌گيگ داشتنه‌و ئاساييه ك له‌وه‌خت دوينستن كه‌سيگ بيگانه بايه‌سه پاس بكردياد، ك يه‌يش مانای ئه‌وه‌سه كه‌سيگ نزيك له‌و خيزانه ئه‌و تاوانه ئه‌نجام داگه‌و هه‌ر له‌وه‌ر ئه‌وه‌يش سه‌گه‌گه بيده‌نگ بويه‌و دوياخريش خود كابرای خاوه‌ن ماڵه‌گه گيرياگه‌و دگان وه ئه‌نجامداين ئه‌و كاره‌ساته ناگه.
سه‌رچه‌وه‌گه يه‌يش ده‌رخست ك بيده‌نگی ئه‌و سه‌گه ئاشكرای كرد ك يه‌كيگ له خود ئه‌و خيزانه ئی كاره‌ساته ئه‌نجام داگه‌و هه‌ر له‌وه‌ر ئه‌وه‌يش پياو خاوه‌ن ماڵه‌گه ده‌سگير كرياگه دگان وه ئه‌نجامداين ئه‌و تاوانه ناگه‌و ئاماژه وه يه‌يش كرد ك پياوه‌گه تويش نه‌خوه‌شی ده‌روينی بويه‌و بڕيگ حه‌پ قه‌يه‌غه‌كرياگ هاورده‌سه كار.
ج . أ