له به‌ياننامه‌ی ليژنه‌ی وه‌رگری له هه‌ق رووژنامه‌نويسه‌يل له لق به‌غدای سه‌نديكای رووژنامه‌نويسه‌يل كوردستان ئه‌را(شه‌فه‌ق نيوز)ئه‌وه ده‌ركه‌فت ك جاريگتر ده‌س ناپاك خوينڕژه‌يل ده‌سدريژی كرده بان قه‌ڵه‌م بوير و هوير ئازاد له‌وه‌ر خاتر كپه‌وكردن ئه‌ه‌و ده‌نگه‌يل راسكانيه ك ژيان خوه‌ی له‌وه‌رخاتر جيوازكردن راسی ته‌رخانكرد.
له به‌ياننامه‌گه يه‌يش ده‌ركه‌فت، ك كوشتن رووژنامه‌نويس كاوه گه‌رميانی تاوان گه‌ورايگه‌و وه تونی ئدانه‌ی كه‌يم و خوازياريم له لايه‌نه‌يل په‌يوه‌نديدار له پۆليس و هيزه‌يل ئاسايش هه‌ڵه‌په‌ڵه بكه‌ن له په‌ياكردن ئه‌و تاوانباره‌يله‌و پيشكه‌شيان بكه‌نه دادگا تا وه‌گووره‌ی ياسا سزای دادگه‌رانه بدريه‌ن و له هه‌مان وه‌خت داوايش له ريكخرياگه‌يل وه‌رگيريكه‌ر ناوده‌وڵه‌تی له هه‌قه‌يل ئاده‌ميزاو رووژنامه‌نويسيه‌يليش كرد ئدانه‌ی ئی تاوانه بكا.
جی باسه، كاوه گه‌رميانی له‌ساڵ ١٩٨٢ له‌دايگ بويه‌و هاوسه‌رداره‌و سه‌رنويسه‌ر گووڤار"رايه‌ڵ" بوی و زويتريش په‌يامنێر رووژنامه‌ی"ئاوێنه"ی كوردی بويه‌و له چه‌ن رووژنامه‌يگ كار كردگه.
ج . أ