شەفەق نیوز/ لەدویای کوشیان هەرزەکاریگ لە ئەلبانیا وەکارهاوردن ئەپلیکەیشن تیک تۆک ئەرا ماوەی ساڵیگ قەیەغەکرێد.
سەرۆک وەزیرەیل ئەلبانیا قەیەغەکردن ئەپڵیکەیشن تیک تۆکی ئەرا ماوەی ساڵیگ راگەیان، دویای کوشیان هەرزەکاریگ 14 ساڵان لە ماوەی مانگ گوزەشتە یەیش نیگەرانی لەبارەی کاریگەری سۆشیال میدیا لەبان مناڵ دروسکرد.
وەپای خەوەریگ ئاژانس رۆیتەرز، ئیدی ڕاما سەرۆک وەزیرەیل ئەلبانیا دویای کۆبوونەوە وەگەرد دایک و باوگ و مامۆستایەیل لە سەرتاسەر وڵات راگەیان، قەدەغەکردنەگە بەشیگە لە پلان فراوانتر ئەرا سەلامەتی مەکتەوەیل کە سەرەتای ساڵ ئایندە چوودە جیوەجیکردن.
دیاریکرد، ئەرا ماوەی ساڵیگ وە تەواوی تیک تۆک وەرووی گشتی بەسرێد.
فرەیگ لە وڵاتەیل ئەوروپا جویر فەڕەنسا، ئەڵمانیا و بەلجیکا سنووردارکردن وەکارهاوردن سۆشیال میدیا ئەرا مناڵەیل دانانە، هەمیش ئوسترالیا لە مانگ ١١ ی ساڵ گوزەشتە بڕیاردا لەبان قەیەغەکردن تەواوەت سۆشیال میدیا ئەرا مناڵەیل خوار تەمەن ١٦ ساڵ.