(عەلی شەلاه) ئەندام ئیئتلاف دەوڵەت یاسا، لە كۆنفرانسێگ رووژنامەوانی لە باڵەخانەی پەرلەمان عێراق وت: حكوومەت هەرێم تا ئيسه‌يش مكوڕە لەبان وه‌ربه‌س دروس كردن له‌وه‌رده‌م پەسەنكردن بودجەی گشتی ساڵ 2014ی عێراق.

وتیش: حكوومەت ناوەند چەن پێشنیارێگ خستگه‌سە وەردەم هەرێم لەبارەی یەكلایی كردنەوەی بودجەی گشتی عێراق، لەوانەيش داين گشت موستەحەقاته‌يل ئه‌و كۆمپانیايل نەفتییە ك لە كوردستان كار كەن، وه‌لی وەمەرجێگ بەغدا سەرپەرشتی هەناردەكردن و وەبازاڕخستن نەفت بكا و لەوەرانوەر ناوەند 17% داهاتەگەی ئه‌ياده‌ هەولێر، وه‌لی ئەوان ئەو داوا رەده‌وكردنەسه‌و و مكوڕن لەبان ئەوەگ خوه‌یان نەفت هەناردە بكەن.

ا. ج