له به‌ياننامه‌ی باره‌گای سه‌ركردايه‌تی فه‌رمانده‌يی هاوبه‌ش ئه‌را(شه‌فه‌ق نيوز)ئه‌وه ده‌ركه‌فت ك هيزيگ له ليوای ٢٨ سه‌ر وه سه‌ركردايه‌تی فه‌رمانده‌يی جه‌زيره‌و باديه دو چه‌كدار ده‌سگير كردنه‌و هه‌ردوگيان وه‌گووره‌ی مادده‌ی ٤ له‌ياسای دژه ترۆر داواكرياگن ئه‌را دادگاو دو چه‌كداريش سه‌ر وه به‌ره‌ی نوسره له قه‌زای قائم له پاريزگای ئه‌نبار له خوه‌رئاوای عراق ده‌سگير كريانه.
هه‌ر له‌و به‌ياننامه يه‌يش ده‌ركه‌فت ك هه‌وڵ ئه‌ندازياری له‌چوارچيوه‌ی هه‌مان فه‌رمانده‌يی ده‌يه‌ها مين له‌چاڵنرياگ له ويسته‌گه‌ی ئاو شه‌مسيه له خوه‌رهه‌ڵات قه‌زای قائم پويچه‌ڵ كردنه وه‌بی ئه‌وه‌ك هويچ زه‌ره‌ديگ له‌لی بكه‌فيده‌و.
ج . أ