سيامه‌ند خه‌ليل وه‌رپرس ره‌سانن وه‌ڕيه‌وبه‌رايه‌تی ته‌ندروسی سلێمانی ئه‌را (شه‌فه‌ق نيوز) وت: وه‌ڕيه‌وبه‌رايه‌تيه‌گه چه‌ن ليژنه‌يگ دامه‌زرانگه ئه‌را جه‌ختكردن له وجوود مه‌رجه‌يل ته‌ندروسی له نه‌خوه‌شخانه‌يل ناحكوومی له پارێزگاگه‌و ئی ليژنه‌يله له‌وه‌خت وشكانن نه‌خوه‌شخانه‌يل فه‌رمان به‌سانن دو نه‌خوه‌شخانه دانه، يه‌كيگيان له‌وه‌ر زيايكردن هه‌ق چاره‌سه‌ر و ئه‌واكه‌يش له‌وه‌ر نه‌ياشتن مه‌رجه‌يل ته‌ندروسی.
جی باسه، هاووڵاتيه‌يل شكات له‌ده‌س داوه‌زين راده‌ی خزمه‌تگوزاری ته‌ندروسی له نه‌خوه‌شخانه‌يل حكوومی و به‌رزه‌وبوين هه‌ق چاره‌سه‌ر كه‌ن له نه‌خوه‌شخانه‌يل ئه‌هلی، ك وه‌جووريگ مه‌ردم نه‌دار نيه‌تويه‌نن چاره‌سه‌ر نه‌خوه‌شه‌يليان له‌تی بكه‌ن.
ج . أ