شەفەق نیوز/ دەسەڵاتەیل مالیزیا راگەیانن کە دووارە کەفتە مینەی ئەو فرۆکەی MH370 لە کڕ ئاسمانی مالیزیا کە وەرجە زیاتر لە ١٠ گوما بویە.

رووژنامەی "تەلیگراف" بەریتانی وت: ئی مینەکردن نووە لە چوارچیوەی تەقەلایگ تیەێد ئەرا پەیاکردن چارەیگ ئەرا یەکیگ لە گەورەترین چەوچەی فڕۆکەوانی لە میژوو نوو، دویای شکستخاوردن تەقەلایل وەرین کە هیزەیلیگ لە ئوسترالیا و مالیزیا و چین بەشداری کردن تا بەڵگەیگ ئاشکرا لە نوین فڕۆکەگە پەیا بکەن.

 دیاری کرد کە ئی مینەکردن نووە، وە پاڵپشتیکردن کۆمپانیای "ساوثهامبتون" تیەێد، کە دەسکردە هەڵمەت مینەکردن لە زەریای هیندیر کە مەزەنە کریەێد فڕۆکەکە لەورا کەفتیە، وە وەکاهاوردن تەکنیک نوو و شیەوکردن داتای مانگە دەسکردەیل تا وەشیوەیگ هویردتر شوینەیل مینەکردن دیاری بکەن.

فڕۆکەی MH370، کە 239 لەناوی بوی، مەوقەی کاروانیگ لە کوالالەمپوور وەرەو پەکین لە 8 ئادار 2014، پەیوەندی وەگەردی بڕیا، کە پرسیارەیل فرەیگ لەپشتی دروس بوی، لەبان مدوو دیارنەمانی و شوین کەفتنی.

ئی گامە لەسای زوور وەردەوامیگ لەلایەن بنەماڵەیل قوربانیەیل و ریخریاگەیل پەیوەندیدار تیەێد، کە داوا وەڵامیگ لە چارەنویس ئەو فڕۆکە کەن.