شەفەق نیوز- بەیرووت

بەیرووت پایتەخت لوبنان، ئمڕوو شەممە، میوانداری چالاکییەیل "سیمپۆزیۆم ئەرز 2"، وە بەشداری نزیکەی 35 هونەرمەن لە لوبنان و عراق و هەرێم کوردستان کرد، لە چالاکییگ کە هونەر شیوەکاری وەگەرد پەیامەیل دووسایەتی و وەیەکەوژیان و ئاشتی لەناوەین نەتەوە جیاجیایەیل گردەو کرد.

سیمپۆزیۆمەگە وە چەودیاری وەزارەت روشنهویری لوبنانی و یەکێتی شارەوانییەیل خوەرئاوای بان و شەحار، و رێکخستن کۆڕبەن هونەر شیوەکاری عەرەبی ساز کریا، وە هاوکاری وەگەرد شارەوانی سووق غەرب و پشتگیری کۆمەڵەی خانمان لە سووق غەرب، لە وەختیگ چالاکییەیلی تا هەشتەم لە ئەیلول/سێپتێمبەر وەردەوام بوود.

چالاکییەگە بەشداری هونەرمەنەیل لە بەغداد و کەربەلا و خانەقین و هەرێم کوردستان وەخوەی دی، بیجگە لە هونەرمەنەیل لوبنانی، کە کارە هونەرییە بەشدارەیل ناوەرۆکەیلیگ هەڵگردن کە لە تابلۆگە رەد کەن ئەرا نشاندان بەهایەیل وەیەکەوژیان و دووسایەتی و ئاشتی.

سەرۆک دامەزراوەی فادیا ئەرا روشنهویری و هونەرەیل، فادیا نعێمی، ئەرا ئاژانس شەفەق نیوز وت، کە سیمپۆزیۆمەگە وە هاوکاری وەگەرد دامەزراوەی فادیا ئەرا روشنهویری و هونەرەیل و ماڵ شەهید سەلام روشنهویری لە خانەقین ساز کریا، دیاری کرد کە بەشداری عراقی و کوردستانی لەڕی هونەرمەنەیلیگ هات کە نۊنەرایەتی بەغداد و کەربەلا و هەرێم کوردستان و خانەقین کەن.

نعێمی هەمیش وت کە "سیمپۆزیۆمەگە لە یەکیگ لە رەنگینترین ناوچەیل لوبنان ساز کریا، وە بەشداری 35 هونەرمەن لە لوبنان و عراق و هەرێم کوردستان"، وتیش کە هونەرمەنەیل "هاتن و پەیامەیل جیاوازیگ هەڵگردن، باوجی گشتیان یەک گرن لە نشاندان دووسایەتی و وەیەکەوژیان لەناوەین نەتەوەییەیل".

دڵنگ کوردی

بەشداری شاند خانەقین تەنیا لەبان پیشکەشکردن کارە هونەرییەیل نەوسیا، مە ئەندامەیلی هەڵوژاردن وە دڵنگ کوردی نەریتی دەرکەفن، وە هەڵگردن پەرچەم عراق و هەرێم کوردستان، لە دیمەنیگ کە لەڕییەو تواستن لایەنیگ لە ناسنامەی شارەگە و هەمەڕەنگییە روشنهویری و کۆمەڵایەتییەگەی وەرەو بەیرووت بوەن.

بڕیاردەر ماڵ شەهید سەلام روشنهویری لە خانەقین، نیهاد خەیات، ئەرا ئاژانس شەفەق نیوز وت، کە بەشداری شاند خانەقین "ئی جارە جیاواز بۊ"، دیاری کرد کە ئەندامەیل شاندەگە وە دڵنگ کوردی نەریتی دەرکەفتن و پەرچەم هەرێم کوردستان و عراق هەڵگردن.

خەیات هەمیش وت کە شاندەگە "هات تا پەیام وەیەکەوژیان ئاشتیانەی ئەزەلی لەی شارە وەرەو بەیرووت رەنگین بوەرد6"، دووپات کرد کە بەشدارەیل توایسن پەیامیگ بڕەسننە لوبنان و بەغداد و کەربەلا کە ناوەرۆکی یەسە: "ئیمە توایمن وەیەکەو بژیەیمن، و توایمن رێز لە یەکتر بگریمن، و ژیان پیرووز کەیمن و مرۆڤایەتی پیرووز کەیمن".

خانەقین.. هونەر پیەڵیگە ئەرا وەیەکەوژیان 

خەیات دووپات کرد کە هونەرمەنەیل خانەقین "بەشدارییگ ئاشکرا" لە چالاکییەیل سیمپۆزیۆمەگە داشتن، دیاری کرد کە ماڵ شەهید سەلام روشنهوییری، لە وەخت دامەزراننییەو دۊای ساڵ 2004، وەردەوام بۊە لە گرنگیداین وە جومگە جیاجیاگەیل هونەر و روشنهویری، وە تایبەت هونەر فۆلکلۆری کە شارەگە وەپی جیاوازە.

بەشداری خانەقین لە "سیمپۆزیۆم ئورز 2" لە ناوڕاس ئامادەبۊنیگ روشنهویری و هونەری تیەێد کە تەقەلا دەێد ئەرا پیشکەشکردن شارەگە چۊ نموونەیگ ئەرا هەمەڕەنگی و وەیەکەوژیان، کە شاندەگە شیوەیگ لە روشنهویری ناوخوەیی و ناسنامە کوردییەگەی وەرەو بەیرووت هەڵگرد، بیجگە لە دووپاتکردن لەبان لایەنگری عراقی هاوبەش.

خەیات دیاری کرد کە خانەقین لە رووژەیل بانان خوەی ئامادە کەێد ئەرا میوانداری فیستیڤاڵەیل و چالاکییەیل هونەری و روشنهویری و کۆمەڵایەتی تر، دووپات کرد کە بەشداری ماڵ شەهید سەلام لە بەیرووت هات ئەرا نشاندان لە "مەودای دووسایەتی ئەرا ئاشتی و خوەشەویستی".

لەناوەین تابلۆیەیل و پڕتاڵ کوردی و پەرچەم عراق و هەرێم کوردستان، هونەرمەنەیل خانەقین وەرەو بەیرووت وینەی شاریگ هەڵگرۆن کە ناسنامەی لەبان هەمەڕەنگی وەسیاس، لە پەیامیگ کە توایسن هونەر لەناوی پیەڵیگ بوود ئەرا نزیکەوبۊن، و زوانیگ کە لە جیاوازییەیل رەد بوود و مەردم لە چواردەور ئاشتی و مرۆڤایەتی گردەو بکەێد.