شه‌فه‌ق نيوز/ حكومه‌ت هه‌رێم كوردستان، ئاشكراى ئه‌وه كرد سه‌رۆك حزبيگ قه‌رزار مه‌ردمه وه 70 مليار دينار و باس له‌وه‌يش كرد له وه‌رگرتنه‌وه‌ى قه‌رزه‌يل چه‌وپووشى له كه‌س ناكريه‌ێد.
له‌و باوه‌ته‌و، جوتيار عادل ئه‌را رووژنامه‌نويسه‌يل وت: حكومه‌ت هه‌رێم پابه‌نده وه جيوه‌جيكردن ياساى خاسسازى ك يه‌كيگ له بڕگه‌يلى وه‌رگرتنه‌وه‌ى قه‌رزه‌يله له بازرگانه‌يل.
عادل ئاماژه وه‌يه‌يش كرد كه‌سيگ ك خوه‌ى وه بازرگان ئه‌وانێد و حزبيگ دامه‌زرانگه، ئه‌را خوه‌ى دزينه‌وه له داينه‌وه‌ى قه‌رز ئه‌خوازێد خوه‌ڵ بكاده چه‌و مه‌ردم و راى گشتى وه ڵاڕييه‌و بوه‌ێد، ئه‌و كه‌سه 70 مليار دينار قه‌رزار مه‌ردمه‌و حكومه‌تيش داواى كردگه‌سه‌و، ئه‌و كه‌سيشه تومه‌تباره وه زه‌فتكردن موڵك و ماڵ ده‌وڵه‌ت و ئه‌خوازێد ناوچه‌يگ سه‌وزايى شار سلێمانى بكاده ڤيلا و بفرووشێده‌ى.