له‌ به‌ياننامه‌یگ ته‌يفور ئه‌را (شه‌فه‌ق نيوز) ئه‌وه‌ ده‌ركه‌فت، ك هاووه‌خت وه‌ل زيايبوين كرده‌وه‌يل تيرۆريستی و گرتنه‌ئامانج كه‌سه‌يل مه‌ده‌نی بيتاوان له‌ قه‌زای دوزخورماتوو ده‌نگه‌يليگ به‌رزه‌و بوی و هه‌وڵ موزايده‌كردن ده‌ن له‌بان هساو خوين بيتاوانه‌يل و هه‌لوه‌رگرتن له‌بار ئيسه‌ ئاسايش له‌ڕی داواكاری ئاڵشتكردن قه‌زای دوزخورماتوو ئه‌را پاريزگاو دامه‌زرانن سه‌حوه‌و چه‌كداركردن مه‌ده‌نی ك يه‌يش چه‌واشه‌ی ياساو ده‌ستووره‌.

ته‌يفور هه‌ميش سه‌رسڕمه‌نين خوه‌ی نيشاندا وه‌ ئه‌وه‌ك حسێن شه‌هرستانی ك شكه‌ست هاورد له‌ ئداره‌ی دوسيه‌ی وزه‌و كاره‌باو ئيسه‌ خه‌ريكه‌ بڕيار ده‌رئه‌كا له‌به‌رژه‌وه‌ندی يه‌ك لايه‌ن و دويره‌و خستن باقی لايه‌نه‌يل تر.

ج . أ