مورته‌زا موسه‌وی وه‌ڕيه‌وبه‌ر ئداره‌ی ته‌ياره‌خانه‌ی ناوده‌وڵه‌تی نه‌جه‌ف له‌باسيگ ئه‌را(شه‌فه‌ق نيوز)وت: دامه‌زرياگ گشتی ته‌ياره‌وانی مه‌ده‌نی ئاماريگ فه‌رمی ئه‌را شماره‌ی گه‌شته‌كه‌ره‌يل و گه‌شته‌يل له‌ چوار ته‌ياره‌خانه‌ی عراق ئاماده‌ كردگه‌ ك پيكهاتگه‌ له‌ ته‌ياره‌خانه‌يل نه‌جه‌ف و به‌غداو به‌سره‌و موسڵ ئه‌را ساڵ ٢-١٣و تا مانگ ته‌شرين دويه‌م و ئه‌وه‌ ده‌ركه‌فت ك ته‌ياره‌خانه‌ی نه‌جه‌ف كه‌فته‌سه‌ نوای باقی ته‌ياره‌خانه‌يل عراق له‌ڕوی شماره‌ی گه‌شته‌كه‌ره‌يلی ك يه‌يش سه‌ركه‌فتن گه‌ورايگه‌ ئه‌را ته‌ياره‌خانه‌گه‌.

موسه‌وی هه‌ميش وت: ته‌ياره‌خانه‌ی ناوده‌وڵه‌تی نه‌جه‌ف گامه‌يل گه‌ورايگ بڕيه‌ و گامه‌يل تريش ئه‌گريده‌ وه‌ر له‌وه‌ر خاتر په‌ره‌داين فراوانكردن و هه‌وڵ ئه‌وه‌يش ئه‌يه‌يم ته‌ياره‌خانه‌گه‌ هه‌ميشه‌ ئاماده‌ بوود ئه‌را فيشتر خزمه‌تكردن وه‌ گه‌شتكه‌ره‌يل وه‌تايبه‌ت له‌ی رووژه‌يله‌ ك زياره‌ت چله‌ی ئيمام حسێن نزيكه‌و بويه‌.

ج . أ