شەفەق نیوز/ خواست لەبان نەشتەرگەری جوانکاری لە ئیران وە رادەیگ زیایکردیە کە تەمەن ئەنجامداین نەشتەرگەری ئەرا  14 ساڵ کەمەوبوی.

ئیبراهیم رەزم پا، ئەندام کۆمەڵەی زانست نەشتەرگەری لویت له ئیران ئوشێد، لە گوزەشتە  تەمەن پەسەنکریاگ نەشتەرگەری جوانکاری 18 ساڵ بویە، بەڵام ئیرنگە دویەتەیل  تەمەن 14 ساڵ و کوڕەیل 16 ساڵ توەنن ئەو نەشتەرگەریەیلە ئەنجام بیەن.

وەپای خەوەریگ رووژنامەی   ئەبرای ئێرانی، ئێ ئاڵشتبوینە وەشیوەی سەرەکی  گلەوخوەد ئەرا رێکلامەیل بازرگانی و فیشارەیل کۆمەڵایەتی کە پاڵنەر ئایەمە ئەرا نەشتەرگەری جوانکاری.

 وەپای ئاماریگ کۆمەڵەی ناودەوڵەتی  نەشتەرگەری جوانکاری، ئیران لە ساڵ 2022 لە پلەی 12ـەهەمین جەهان بویە ئەرائەنجامداین فرەترین جوانکاری لەماوەی ئەو ساڵە  320 هەزار جوانکاری ئەنجامدریانە.