بارزانی له‌ نامه‌يگ پرسه‌و سه‌ره‌خوه‌شی وه‌ بوونه‌ی كوچكردن مانديلا ئه‌را(شه‌فه‌ق نيوز)وت: جه‌هان سه‌رۆكيگ گه‌ورای سياسی له‌ده‌سدا، ئه‌و سه‌رۆكه‌ ئازادی و ديموكراسی له‌لای گرينگ بوی و ژيان له‌وه‌رخاتر ئه‌و ئازاديه‌ له‌ زيندان برده‌ سه‌ر و نموونه‌ی خه‌بات بوی له‌وه‌ر كرامه‌ت ئنسانی و دادگه‌ری و يه‌كسانی.

بارزانی هه‌ميش وت: مانديلا خاوه‌ن هسيگ بته‌و بوی له‌وه‌رانوه‌ر كيشه‌ی و خه‌بات كورد وه‌خاتر مه‌ندنه‌وه‌ی له‌ ژيان و گرينگترين ده‌رسيگ ك يايگرتم له‌ مانديلا ئه‌وه‌سه‌ ك دگانناينه‌ وه‌ نه‌وين دادگه‌ری گوزه‌يشته‌ و جه‌ختكردن له‌بان سروشت ئاده‌ميزاد له‌ ئاينده‌.

جی باسه‌، مانديلا دويای وه‌سه‌ربردن نزيكه‌ی ٣٠ ساڵ له‌ زيندان، له‌ هه‌ڵوژاردنيگ تاريخی فريه‌ ره‌گه‌زی له‌ساڵ ١٩٩٤ ئه‌را سه‌رۆك باشوور ئه‌فريقيا هه‌ڵوژرياو له‌ساڵ ١٩٩٩ خانه‌نشين بوی.

ج . أ