وه‌ ياوه‌ری ئه‌و كه‌سه‌ ك وتگه‌ توانای په‌ياكردنيان ديرم.

ئومێد سه‌باح قسه‌كه‌ر وه‌ناو سه‌رۆكايه‌تی هه‌رێم كوردستان له‌ لێدوانيگ ئه‌را(شه‌فه‌ق نيوز)وت: سه‌رۆك بارزانی فه‌رمانيگ له‌باوه‌ت چه‌وديری دوسيه‌ی ئه‌و دويه‌ته‌يله‌ ئه‌نفالكرياگه‌ ده‌ركردگه‌ ك له‌لايه‌ن رژيم وه‌رينه‌و كلكريانه‌سه‌ وڵات مسر.

سه‌باح هه‌ميش وت: ئی فه‌رمانه‌ وه‌خاتر ده‌رخستن ئه‌و راسيه‌سه‌ ك باسكريا له‌باوه‌ت زانياريه‌يل تازه‌ ده‌رباره‌ی ئه‌و دويه‌ته‌ ئه‌نفالكرياگه‌يل كورده‌و هه‌ر له‌وه‌ر ئه‌وه‌يش فه‌رمان دامه‌زرانن ليژنه‌گه‌يگ دا له‌لايه‌ن حكوومه‌ت هه‌رێم كوردستانه‌ ئه‌را سه‌ردان كومار مسر عه‌ره‌بی وه‌ ياوه‌ری ئه‌و كه‌سه‌ ك ئويشيد من به‌ڵگه‌يل له‌بان وجووديان ديرم.

جی باسه‌، وه‌رجه‌ ماوه‌يگ له‌ مانگ گوزه‌يشت روشدی سه‌عيد جاف ك يه‌كيگه‌ له‌ پياوه‌يل كار له‌ هه‌رێم كوردستان ئاشكرای وه‌ديكردن شماره‌يگ له‌و دويه‌ته‌يل ئه‌نفالكرياگه‌ كرد ك له‌لايه‌ن رژيم وه‌رينه‌و فرووشيانه‌سه‌ يانه‌يل شه‌وانه‌ی مسر له‌ساڵه‌يل هه‌يشتای سه‌ده‌ی وه‌رين.

ج . أ