شەفەق نیوز - بەغداد / هەولێر

نرخەیل نەفت، ئمڕوو سێشەممە، بەرزەوبۊنیگ تومار کردن وەرد چەوەڕیکردن بەرهەکارەیل ئەرا ئەگەر جیوەجیکردن گفتوگۆیەیل لە ناوەین وڵاتە یەکگرتگەیل و ئیران لە پەراویز گردەوبوینەیل کۆمەڵەی گشتی نەتەوە یەکگرتگەیل ئی هەفتە، و یەیش دۊای چەن دانیشتنیگ لە پاشەکشەکردن.

 "رۆیتەرز" خەوەر دا کە خاو برێنت 1.05 دۆلار، یا 1.05%، بەرزەو بۊ ئەرا 101.49 دۆلار ئەرا بەرمیلیگ، لە وەختیگ خاو خوەرئاوا تەکساس ناوەندی، 67 سەنت، یا 0.73%، بەرزەو بۊ ئەرا 95.04 دۆلار ئەرا بەرمیلیگ.

 گەورای شیەوکەرەیل بازاڕەیل لە کۆمپانیای KCM Trade، تیم وۆتەر، وت، کە بەرزەوبۊن نرخەیل وەیجۊرە دیارە کە گلەوخواردنیگە ئەرا پووشانن پێگە کوڵەیل دۊای داوەزینەیل ئی دۊاییە، نەگ ئاڵشتکارییگ لە هوکارە بنەڕەتییەیل بازاڕەگە، وە دەسنشانکردن ئەرا ئەوەگ نرخەیل وە ناسکی مینن ئەرا پیشهاتە دیپلۆماسییەیل لە ناوەین واشنتۆن و تاران.

 لە چوارچیوەی ئاڵووزییە هەرێمییەیل، کۆمپانیای ئارامکۆی سعودی هەناردەیلی لەڕی گەروو هورمز زیای کرد، دۊای وسانن بڕیگ لە بارەیل لەڕی بەندەر یەنبوع وە مدوو پەلامارەیلیگ کە کڕ لۊلەیل خوەرهەڵات و خوەرئاوا کردنە ئامانج، کە داتایەیل وەدۊایچگن بارهەڵگرەیل نیشان دان کە نزیکەی 14 مەلیۆن بەرمیل لە نەفت خاو لەبان هەفت بارهەڵگر گەپ لەناو کەنداوەگە بار کریانە، رووژ یەکشەممە.