شەفەق نیوز ـ بەغدا

عراق لە پلەی 76 جیهانیە لەناو رزبەن نەدارترین وڵاتەیل جیهان ئەرا ساڵ 2026 هات، وەپای زانیاریەیل گۆڤار "غلۆباڵ فاینانس"، کە بڕ بەرهەم ناوخوەیی ئەرا هەر کەسیگ، لەبان بنەمای یەکسانی توانای سەنین، رەسیە نزیکەی 15,359.6 دۆلار ناودەوڵەتی.

وەپای زانیاریەل کە ئاژانس شەفەق نیوز ئیسفایکردییە دەرخست  عراق لە پلەی 76 ئەرا ساڵ 2026 هاتیە، یەش هەمان ئەو پلەس کە لە ساڵ 2025 وەدەسی هاوردوی، وەپای رزبەن وڵاتەیل کە لە زانیاریەلە هاتیە.

ئەفریقای باشوور لە پلەی 77 هات، وە بەرهەمیگ کە رەسیە 16,326.29 دۆلار ناودەوڵەتی ئەرا هەر کەسیگ، و لەدویای ئەویش فیجی لە پلەی 78 هات، وە 16,430.66 دۆلار.

پەیمانەی یەکسانی توانای سەنین وەکارتێد ئەرا بەراوردکردن توانای ئابووری و ئاستەیل ژیان لەناوەین وڵاتەیل، دویای ئەوەگ جیاوازیەل لە ئاست نرخەیل و نرخ ئاڵشتکردن سەنینەیل وەر چەو، چوینکە بڕەیل وەنرخ دۆلار ناودەوڵەتی بەیان کریەن وەپای دەسکاریەیل توانای سەنین.

وەپای زانیاریەیل، بوروندی لە بان رزبەن نەدارترین وڵاتەیل جیهان بوی، و لەدویای ئەویش کۆمار ئەفریقای ناوەڕاس، دویای ئەوانیش باشوور سودان و یەمەن و موزامبیق و مەلاوی و سۆماڵ و لیبێریا و مەدەغەشق و کۆمار کۆنگۆی دیموکراتی هاتن.