عراقچی له‌ به‌ياننامه‌يگ ك (شه‌فه‌ق نيوز) ئاگاداری بوی، وت: ملله‌ت هوشيار عراقی له‌سای سه‌ركردايه‌تييه‌ ئاينی و سياسيه‌گه‌ی تويه‌نست له‌ قوناغ داگيركاری سيه‌و ئاشوو تايفه‌گه‌ری بپه‌ڕيده‌و ‌و له‌قوناغ ئاينده‌يش له‌ڕێ مقه‌يه‌تيكردن له‌ يه‌كيه‌تی عراق و ده‌رخستن دوشمنه‌يل راسكانی عراقه‌و شكه‌ست وه‌و پلانه‌يل ريكخرياگه‌ بارێد ك دژ پرووسه‌ی سياسی و سه‌قامگيری له‌ وڵات.

عراقچی له‌هه‌مان وه‌خت ته‌قينه‌وه‌و كوشتن بيتاوانه‌يل له‌عراق له‌بان هساو نه‌ته‌وه‌يی و مه‌زه‌وی وه‌ تاوانيگ دژ ئنسانيه‌ت دا قه‌ڵه‌م و هه‌ر له‌وه‌ر ئه‌وه‌يش داوا له‌ كوومه‌ڵگای ناوده‌وڵه‌تی له‌ڕێ وه‌كارهاوردن سياسه‌ت و رێنمايی وه‌ ئامانج سه‌قامگيری له‌ناوچه‌گه‌ وه‌رپرسيارێتی و هه‌ڵوێست خوه‌ی نيشان بيه‌يد.

ج . أ