و جيوه‌جيكاره‌يل ئه‌و ته‌قينه‌وه‌يله وه ئه‌وه تاريف كرد ك سه‌ر وه يه‌ك لايه‌نن و ئامانجيان به‌رپاكردن ئاگر ئاشووه له‌ی كرده‌وه‌يله.
له به‌ياننامه‌يگ ئئتلاف ناوبرياگ ئه‌را(شه‌فه‌ق نيوز)، ئدانه‌ی ئه‌و ته‌قينه‌وه‌يل تاوانكارانه كرد ك مه‌ردم ناوچه‌يل دۆره‌و شار سه‌در گرته ئامانج و يه‌يش ده‌رخست ك ئه‌نجامداين ته‌قينه‌وه له‌ناو ڕی وڕه‌سم پرسه‌ناين جه‌خت له‌وه ئه‌كا ك دوشمن عراق يه‌كيگه‌و ئامانجی كاولكردن و به‌رپاكردن ئاگر ئاشووه له‌ناونی روڵه‌يلی.
هه‌ر له‌و به‌ياننامه، داوا له ده‌زگايه‌يل ئاسايش كرياگه مقه‌يه‌ت له خوين عراقيه‌يل بوون و حكوومه‌ته‌يش بايه‌سه ئه‌رك خوه‌ی جيوه‌جی بكاو به‌ڵگه‌ی شه‌ره‌ف جيوه‌جی بكريه‌يد له‌وه‌ر خاتر مقه‌يه‌تيكردن مه‌ردم ك رووژانه بوونه قوربانی ته‌قينه‌وه‌و كاره‌سات.
جی باسه، شه‌ممه‌ی گوزه‌يشت له ئاكام ته‌قينه‌وه‌يگ له شار سه‌در نزيكه‌ی ٢٧٥كه‌س كوشياو زه‌خمدار بوی و دويه‌كه يه‌كشه‌ممه‌يش له‌ناوچه‌ی دۆره له‌ئاكام ته‌قينه‌وه ده‌يه‌ها كه‌س بوينه قوربانی.
ج . أ