دويه‌كه زێباری له ديداريگ رووژنامه‌گه‌ری ك (شه‌فه‌ق نيوز) ئاگاداری بوی، باس له‌وه كرد ك گوايا ئاگادار ده‌وڵه‌ته‌يل خوه‌رئاوا كردگه وه ئه‌وه‌ك عراق توانای وسانن جيوازكردن چه‌ك نه‌يريد له ته‌هرانه‌و ئه‌را ديمه‌شق ئه‌گه‌ر هات و ئی كرده‌وه وجوود داشتوود.
له‌ی باوه‌ته‌و، عه‌لی شه‌لاه ئه‌ندام ئئتلاف ناوبرياگ ئه‌را (شه‌فه‌ق نيوز) وت: زێباری قسه له‌بان ئه‌وه كردگه ك عراق توانای قه‌يه‌غه‌كرن ئيران نه‌يريد له‌ره‌فتار بواره ئاسمانيه‌گه‌ی، چوينكه ئی مه‌سه‌له هه‌وه‌جه وه بڕياره‌يل ناوده‌وڵه‌تی ديريدو لێدوان زێباری مانای ئه‌وه نيه عراق هه‌وه‌جه وه ده‌سميه‌ت و ده‌خاڵه‌ت بيگانه ديريدو مانای ئه‌وه نيه چه‌ك جيواز كريه‌يد، چوينكه ته‌ياره‌يل ئيرانی نيشتنه‌وه‌و وشكانن ئه‌رايان كرياو هويچ چه‌كيگ له‌تيان نه‌وی، وه‌لی له‌يوا بزانم ئه‌و كيشه له‌و لێدوانه له‌وه‌خت جيوازكردن له‌لايه‌ن رووژنامه‌گه‌وه رويداگه.
ج . أ