شه‌فه‌ق نيوز/ ئه‌نتۆنيۆ گۆتيريش ئه‌منيدار گشتى نه‌ته‌وه‌يل يه‌كگرتگ، له به‌رقيه‌يگ پيرووزبايى له نێچيروان بارزانى سه‌رۆك هه‌رێم كوردستان كرد وه بوونه‌ى هه‌ڵوژاننى ئه‌را سه‌رۆك هه‌رێم، و ئاماژه وه ئه‌وه كرد ك دانايى بارزانى فريه نرخدار ئه‌دێ له چاره‌سه‌ر ئه‌و گرفته‌يله ك ئه‌يه‌نه تويش هه‌رێم.
گۆتيريش له به‌رقيه‌گه‌ى وت: بيگومانم دانایی و پڕئەزموونی و سەرکردایەتیدان، فريه نرخدار ئه‌دێ ئه‌را چاره‌سه‌ركردن ئەو سه‌ختيه‌يله ك ڕوێ وەڕوی هەرێم بوونەوەو يه‌يش ده‌رخست ك پيكهاوردن گورج حكومه‌ت هه‌رێم كوردستان ئه‌دێده هووكار توكمه‌كردن ئه‌و سه‌ركه‌فتنه‌يله له‌شوون سه‌ركه‌فتن له‌بان داعش ك له مه‌يدان جه‌نگ وه‌ده‌س هاتنه ك ئه‌ويش وه‌بوونه‌ى خوه‌يبه‌ختكردن هاووڵاتيه‌يل چه‌ونه‌ترس گشت پيكهاته‌يل عراقه‌و بوێ.
جى باسه، له ئاينده‌و وه‌گووره‌ى ئه‌ركه‌يل نێرده‌ى نه‌ته‌وه‌يل يه‌كگرتگ ئه‌را هاوكاريكردن عراق، نه‌ته‌وه‌يل يه‌كگرتگ وه‌رده‌وام ئه‌دێ له كاركردن له‌بان چه‌نه‌ها دوسيه له هه‌رێم كوردستان.