له‌ى باوه‌ته‌و/ ماڵپه‌ڕ پارت ديموكرات كوردستان له زووان فه‌ريق جه‌مال محه‌مه‌د ك(شه‌فه‌ق نيوز)ئاگادارى بوى، وت: پێشمه‌رگه زاڵ بويه‌سه بان ده‌مار سه‌ره‌كى شار موسڵ ك حاڵ حازر ها ده‌س هيزه‌يل پێشمه‌رگه‌ى كوردستان وه‌تايبه‌ت به‌رزايه‌يل شه‌نگاڵ و ڕى سه‌ره‌كى ناونى عراق و سوريا ك داعش زويتر هاوردياده‌ى كار ئه‌را جيوازكردن كاڵاو ده‌سميه‌ته‌يلى له سوريا.
سه‌رۆك ئه‌ركان پێشمه‌رگه هه‌ميش وت: خاڵ بنه‌ڕه‌تى هيز پێشمه‌رگه له پاريزگاى نه‌ينه‌وا ئه‌وه‌سه ك ڕى جموجويل داعش بووڕێد له باكوور موسڵ وه‌گشت لايگه‌وه‌و بايه‌سه له‌بان سوپاى عراقيش وه‌هه‌مان شيواز كار بكاو جموجويل داعش له ديم باشوور شاره‌گه‌و بووڕێد و كار له‌وه‌ر خاتر ئازادكردن موسڵ بكا، چوينكه مه‌ندنه‌وه‌ى ئه‌و ريكخرياگ ترۆريستيه له ناوچه‌گه مه‌ترسى گه‌ورايگ ديرێد له‌بان عراق.