جه‌بار ياوه‌ر ئه‌ميندار گشتى وزاره‌ته‌گه له لێدوانيگ ك(شه‌فه‌ق نيوز)ئاگادارى بوى، وت: هيز پێشمه‌رگه گشت ئاماده‌كارى و مه‌شقكردنيگ ئه‌نجام داگه ئه‌را به‌شداريكردن له ئازادكردن موسڵ، وه‌لى جه‌نگ موسڵ بايه‌سه وه پلان ئه‌نجام بدريه‌يد.
ياوه‌ر هه‌ميش وت: وزاره‌ت پێشمه‌رگه داوا كردگه ليژنه‌يگ دامه‌زريه‌يد ئه‌را ئه‌وه‌گ نه‌خش پێشمه‌رگه له كۆنترۆڵكردنه‌وه‌ى شار موسڵ ديارى بكاو يه‌يش ده‌رخست ك گرينگه پێشمه‌رگه به‌شدارى له ئازادكردن ئه‌و شاره بكا، چوينكه وه‌قسه‌ى خوه‌ى تا موسڵ وه‌ده‌س داعشه‌و بدێ مه‌ترسى فيشتر ديريد ئه‌را بان هه‌رێم كوردستان و عراق.
ج . أ