له به‌ياننامه‌ی سه‌ركردايه‌تی هيزه‌يل پێشمه‌رگه له هه‌ولێر ئه‌را(شه‌فه‌ق نيوز) ئه‌وه ده‌ركه‌فت ك ترۆريسته‌يل ريكخرياگ داعش هه‌وڵ ته‌قاننه‌وه‌ی دو بۆمبای پڕ مادده‌ی كيمياوی دانه له نزيك بنگه‌يل پێشمه‌رگه‌ی سه‌ر وه سه‌ركردايه‌تی هه‌ولێر له ئاوايی لاكچه له ناحيه‌ی باقره‌ت سه‌ر وه مه‌خمور.
به‌ياننامه‌گه ئاماژه وه‌يه‌يش كرد ك هيزه‌يل پێشمه‌رگه‌ی هه‌ولێر دويای چه‌وديركردن حاڵه‌ته‌گه تويه‌نستنه شكه‌ست وه‌و په‌لاماره بارن و ئه‌و دو بۆمبای پڕ كيمياويه له‌ڕی تيمه‌يل ئه‌ندازياريه‌و پويچه‌ڵه‌و بكه‌ن.