له‌ى باوه‌ته‌و، ماڵپه‌ڕ پارت ديموكرات كوردستان له‌زووان مه‌حمود كاكه‌يى سه‌ركرده‌ى كه‌تيبه‌ى ئه‌ندازيارى سه‌ربازى ك(شه‌فه‌ق نيوز)ئاگادارى بوى، باس له ئامار 20 رووژ له چالاكيه‌يل لاوردن ئه‌و مينه‌يله وه‌ى جووره كرد و وت:
1- له محوه‌ر شه‌نگاڵ گشت ئه‌و شوونه‌يله ك مين و ته‌قينه‌وه‌ى له‌تيان وجوود داشتگه پاكه‌و كريانه.
2- له محوه‌ر زوممار، له ئاوايى كه‌ره‌ش وه‌ل محوه‌ر خازر 5 مين لاورياگه.
3- له محوه‌ر خازر له كويه‌ى زه‌ردگ له‌ئاوايى ته‌ل ئه‌سوه‌د و حه‌سه‌ن شام 32 مين له‌چاڵ نرياگ لاورياگه وه‌ل 18 بۆمباى ده‌سى و 7 شاڵ مينڕيژكرياى و 6 جانتاى پشت.
4- له محوه‌ر گوێر له‌ئاوايى سوڵتان عه‌بدوڵڵا دو قازيفه‌ى هاوه‌ن 82ملم پويچه‌ڵ كرياگه.
5- له محوه‌ر مه‌خمور و خوه‌رئاواى كه‌ركووك له ئاوايى دوگرده‌كان 4 مين لاوريا وه‌ل ته‌قاننه‌وه‌ى قازيفه‌يل هاوه‌ن 120ملم.
جى باسه، جه‌م ئه‌و چالاكيه‌يليشه ك كه‌تيبه‌ى ناوبرياگ ئه‌نجامى دا پيكهات له لاوردن 77 مين له‌چاڵ نرياگ و 8 قازيفه‌ى هاوه‌ن و 18 بۆمباى ده‌سى و يه‌ك مين دژه ده‌بابه‌و 7 شاڵ مينڕيژكرياى و 6 جانتاى پشت.