شه‌فه‌ق نيوز/ وه‌ڕيه‌وبه‌رايه‌تى پۆليس پاريزگاى هه‌ولێر له هه‌رێم كوردستان، ئاشكراى ئه‌وه كرد تويه‌نستگه تومه‌تباريگ بكوش دوياى 7 سه‌عات له ئه‌نجامداين تاوانيگ له ناحيه‌ى داره‌توو ده‌سگير بكا.
وه‌ڕيه‌وبه‌رايه‌تيه‌گه له به‌ياننامه‌يگ ئه‌را ئاژانس شه‌فه‌ق نيوز وت: كه‌سيگ وه‌ناو(ر.ك.ك)له سه‌عات 10ى دويه‌شه‌و گوزه‌يشت له ناحيه‌ى داره‌توو ته‌قه له هاووڵاتييگ وه‌ناو(أ.ر.ه)كردگه‌و زه‌خمدارى كردگه‌و له‌ئه‌نجام ئه‌و ته‌قه‌يشه پۆليسيگ له وه‌ڕيه‌وبه‌رايه‌ى گشتى پۆليس هه‌رێم وه‌ناو(سه‌رهه‌نگ عوسمان)زه‌خمدار بويه له‌وه‌ختيگ وه سه‌ياره‌گه‌ى وه‌ل خيزانه‌گه‌ى گوزه‌ر كردگه‌و چه‌ن گوله‌يگ وه‌رى كه‌فتگه‌و يه‌كسه‌ر گيان له‌ده‌سداگه.
به‌ياننامه‌گه هه‌ميش وت: پۆليس هه‌ولێر يه‌كسه‌ر مه‌فره‌زه ده‌رركردگه‌و دوياى هه‌فت سه‌عات له گه‌ردين و وسكانن تويه‌نستگه ئه‌و تومه‌تباره ده‌سگير بكا له سه‌عات شه‌ش ده‌مه‌و شه‌وه‌كى و ره‌وانه‌ى دادگاى كردگه وه‌گووره‌ى مادده‌ى 406.