وه‌گوره‌ێ به‌یاننامه‌ێگ په‌رله‌مان كوردستان ك كوپیێگێ ئه‌ڕا (شه‌فه‌ق نیوز) كلكرياس، سه‌رۆك په‌رله‌مان یوسف محه‌مه‌د ئمڕوو شه‌وه‌كی له جان كوبیتش نوێنه‌ر نه‌ته‌وه‌یل یه‌كگرتگ له عراق و شانده هاوڕێه‌گه‌ێ پێشوازی كردگه و ئاگادارێ كردگه‌سه‌و ك مه‌حاڵه عراق وه‌شێواز مه‌ركه‌زی له لاێه‌ن حكومه‌ت به‌غداوه ئداره بكریه‌ێ.
به‌یاننامه‌گه‌ێ په‌رله‌مان ئشاره وه‌یه‌یش كردگه ك محه‌مه‌د وه كوبیتش ،كومه‌كه‌یل ناوده‌وڵه‌تی و جه‌نگ دژه ترور له یه‌كه‌و دانه و سه‌روك په‌رله‌مان باس ئه‌وه‌یش كردگه ك هه‌ریم كوردستان وه قوناغ هه‌سیارێگ وه‌تایبه‌ت له ڕوێ ئابووریه‌وه ڕه‌ێ ئه‌دێ.
به‌یاننامه‌گه له بان ئه‌وه‌یش جه‌خت كردگه ك یوسف محه‌مه‌د له یو ئین داوا كردگه نه‌خش خوه‌ی ئه‌ڕا چاره‌سه‌ر كردن كیشه‌گان ناونی به‌غدا و هه‌ولیر بازی بكا و ئه‌وه‌یش خستگه‌سه ڕوێ ك ڕوێداگه‌یل ئێ دویاخره له عراق ئاماژه وه‌یه ئه‌كا ك مه‌حاڵه عراق وه‌شێواز ده‌سه‌ڵات مه‌ركه‌زی ئداره بكریه‌ێ.