مروارێد له‌وه‌خت خه‌ڵاتكردن شماره‌يگ له نويسه‌ره‌يل وه شيوه‌زووان كوردی فه‌يلی ك(شه‌فه‌ق نيوز)ئاگاداری بوی، ئوميده‌وار بوی ك نويسانن وه زووان كوردی فيشتره‌و بدێ و هه‌ر وه‌و خاتريشه وشيار رووڵه‌يل پاريزگاگه‌ی كرد له‌بان چه‌وديری و خوه‌نينه‌وه وه زووران و شيوه‌زووان خوه‌يان.
پاريزگار ئيلام داخداری خوه‌يشی نيشاندا ئه‌را داوه‌زين راده‌ی وه‌كارهاوردن زووان كوردی له‌ناو كومه‌ڵگاو له‌ناونی چينه‌يل جياجيا له پاريزگاگه‌و قسه‌كردنيان وه زووان فارسی و هه‌ر له‌وه‌ر ئه‌وه‌يش داوا له رووشنهويره‌يل كورد كرد شووڕشيگ رووشنهويری به‌رپا بكه‌ن ئه‌را هوشياركردنه‌وه‌ی مه‌ردم تا وه زووان داڵگی خوه‌يان قسه بكه‌ن.
جی باسه، له‌ی باوه‌تيشه‌و مروارێد نزيكه‌ی ٦٠٠٠ دۆلار ئه‌مريكی ته‌رخانكرد ئه‌را سه‌ندن كتاو وه زووان كوردی و باس له‌وه‌يش كرد ك زه‌مانه‌ت مه‌ندنه‌وه‌ی ئی زووانه‌و نه‌فه‌وتيانی ئه‌وه‌سه ك باوگ و داڵگه‌يل وه كوردی وه‌ل مناڵه‌يليان قسه بكه‌ن.