شه‌فه‌ق نيوز/ فراكسيۆن پارت ديموكرات كوردستان له په‌رله‌مان عراق، ئاشكراى راسيه‌يل ئه‌ندامه‌يلى وه‌ل محه‌مه‌د ته‌وفيق عه‌لاوى سه‌رۆك وه‌زيره‌يل راسپارياێ كرد له به‌غداى پايته‌خت.
راپۆرته‌يل ناوچه‌يى باس له‌وه كردن عه‌لاوى وه‌ل نوێنه‌ره‌يل كورد له به‌غدا نيشتگه، ك داواكاريه‌يل تايبه‌ت وه‌پى سپاردنه ئه‌را به‌شدارى له حكومه‌ته‌گه‌ى.
له‌ى باوه‌تيشه‌و شيروان دوپه‌ردانى ئه‌ندام په‌رله‌مان له‌باسيگ ئه‌را شه‌فه‌ق نيوز، ديدار عه‌لاوى وه‌ل نوێنه‌ره‌يل كورد خسته‌دروو وو جه‌خت له‌وه كرد هيمان هويچ دانيشتنيگ له‌ناونى عه‌لاوى و نوێنه‌ريل كورد ئه‌نجام نه‌گرتگه و وت: چه‌وه‌رێ سه‌ردان عه‌لاوى ئه‌را هه‌رێم كوردستان ئه‌كه‌يم له‌وه‌ر ديدارى وه‌ل مه‌سعود بارزانى سه‌رۆك پارت ديموكرات كوردستان و سه‌ركرده‌يل هه‌رێم و تائيسه‌يش واده‌يگ دياريكرياى ئه‌را ئه‌و سه‌ردان نيه.