شه‌فه‌ق نيوز/ قوباج تاڵه‌بانى جيگر سه‌رۆك حكومه‌ت هه‌رێم كوردستان، پيشوازى له ليونيداس كونتوفونيسوس باڵيۆز يۆنان له عراق كرد و وه‌ليا باس له په‌يوه‌نديه‌يل سياسى و ئابوورى ناونى هه‌ردوگلا كرد وه‌تايبه‌ت له كه‌رته‌يل وه‌به‌رهاوردن وگه‌شتيارێ و كشتوكاڵ و سيسته‌م بانكى.
حكومه‌ت هه‌رێم كوردستان له به‌ياننامه‌يگ ئه‌را شه‌فه‌ق نيوز وت: باڵيۆز يۆنانى له‌و ديداره وه ئاماده‌بوين ئه‌فسيمۆس كۆستوبۆڵوس كونسوڵ يۆنان له هه‌ولێر وه‌ل تاڵه‌بانى باس له په‌يوه‌نديه‌يل سياسى و ئابوورى له‌ناونى هه‌وڵێر و ئه‌سينا كردگه وه‌تايبه‌ت په‌ره‌داين وه په‌يوه‌نديه‌يل بازرگانى و كه‌رت گه‌شتيارى و كشتوكاڵ و سيسته‌م بانكى و هانداين وه‌به‌رهاوردن وه‌شيوه‌يگ گه‌وراتر له هه‌رێم كوردستان.
به‌ياننامه‌گه ئاماژه وه‌يه‌يش كرد هه‌ردوگلا كووك بوينه له‌بان راێ له‌باره‌ى ده‌سوه‌پيكردن گه‌شته‌يل ئاسمانى له‌ناونى كوردستان و يۆنان له‌وه‌ر خاتر نه‌فوه‌رگرتن له ئه‌زموون يۆنان له ته‌نميه‌ى كه‌رت گه‌شتيارى جوور رييگ كاريگه‌ر ئه‌را جورايه‌تيكردن سه‌رچه‌وه‌يل ئابوورى كوردستانى.