له‌ی باوه‌ته‌و، خه‌ڵه‌ف ئه‌حمه‌د ئه‌ندام فراكسيۆنه‌گه‌ له‌ لێدوانيگ رووژنامه‌گه‌ری ئه‌را(شه‌فه‌ق نيوز)وت: ئه‌و دانيشتنه‌ دانيشتنيگ ئاسايی بويه‌ ك فراكسيۆنه‌گه‌ سازی كردگه‌ وه‌ل تيمه‌ حكوميه‌گه‌ی ك سه‌ر وه‌ حزبه‌گه‌س و تايبه‌تی كردگه‌ ئه‌را باسكردن چه‌ن باوه‌تيگ و له‌وانه‌يش بار ئابووری و سياسی و شيوازه‌يل چاره‌سه‌ركردنی.

خه‌ڵه‌ف هه‌ميش وت: ئه‌و دانيشتنه‌ باس له‌ قه‌يران دارايی و كه‌می له‌ سه‌رچه‌وه‌يل داهات حكومه‌ت و زيايه‌ له‌ خه‌رجه‌يلی كردگه‌و ئاماژه‌ وه‌يه‌يش كرد له‌ هه‌مان دانيشتن جه‌خت له‌بان خاسه‌وكردن په‌يوه‌نديه‌يل ناونی هه‌ولێر و به‌غدايش كرياگه‌ له‌ هه‌ردوگ بوار سياسی و ئابووری و چاره‌سه‌ر كيشه‌يل ناونی هه‌ردوگلا.