شه‌فه‌ق نيوز/ يه‌كێتى نيشتمانى كوردستان، هه‌ڵويست خوه‌ى وه ده‌نگداين له به‌رژه‌وه‌ندى نێچيروان بارزانى وه سه‌رۆك ئه‌را هه‌رێم كوردستان يه‌كلاوه كرد له دانيشتن په‌رله‌مان هه‌رێم ك بريار دريا ئمڕوو ساز بكريه‌ێد.
بڕياره په‌رله‌مان كوردستان ئمڕوو دانيشتن ئاسايى خوه‌ى له‌وه‌ر هه‌ڵوژانن سه‌رۆك هه‌رێم كوردستان ساز بكا جوور ئه‌و داوه‌تنامه ك ئاراسته‌ى په‌رله‌مانتاره‌يل كريا.
جى باسه، هه‌ر يه‌ك له نێچيروان ئدريس مسته‌فا بارزانى , ئومێد عه‌بدولسه‌لام قادر, محه‌مه‌د حمه ساڵح قادر، رێبوار عه‌زيز مسته‌فا, هيوا عه‌بدوڵڵا خزر كانديد كريانه ئه‌را سه‌رۆكايه‌تى هه‌رێم كوردستان.