شەفەق نيوز- ئەڵگەردان تایبەت

عەلی رەزا محمدی وەڕیەوبەر گشتی وەڕیەوبردن ژینگە لە پارێزگای ئیلام فەیلی، ئمڕوو چوارشەممە، توومارکردن 13 ئاگر لە ناوچەگە لە سەرتای ئمساڵەو ئاشکرا کرد، کە بویە مدوو ئەوە کە 110 هكتار لە دارستانەیل بویە خوەڵەکوو

راپۆرتیگ لەلایەن ئاژانس "فارس" ئیرانی، کە ئاژانس شەفەق نیوز ئەڵگەردانی کرد، لە زوان محمدی وت: هشکەساڵی و کەمئاوی بوینەسە مدوو ئەرا هیزگردن ئاگر لەو ناوچەیلە لە وەرز تاوسان، و لەلاییگ ترەک، وەداخەو کە رەفتار ئایەم و وەپشتگووشخستن ئاگر و زەرەدەیل گەورەیگ رەسانن وە ناوچەیل سروشتی و دارستانەیل.

 لەباوەت ئەو ریکارەیلە کە جیوەجی کریانە ئەرا کۆنترۆڵکردن ئاگرەیل لەو ناوچەیلە کە هانە ژیر ئیدارەکردن ژینگەیی، محمدی دیاری کرد کە وەکارهاوردن سیستمەیل مقیەتیکردن نوو، جویر فرۆکەیل چواری، و واژووکردن گریەبەسی ئەرا خزمەتەیل سیستەم ژینگەیی لەو ناوچەیلە وەگەرد زانکۆی شەهركورد، هانە ناو ئەو بەرنامەیلە کە پەسا ئەرا ئی وەڕیەوبەرایەتی گشتییە جیوەجی کریەن ئەرا مقیەتیکردن ناوچەیل سروشتی و دارستانەیل.

 دووپاتیش کرد کە خەڵکەگە و ریخریاگەیل ژینگەیی، وەگەرد دەزگایەیل ئەندام لە ناوەند وەڕیەوبردن قەیرانەیل، رۆڵیگ گرنگ رانینە لە کپەوکردن ئاگر لەوەڕ و دارستانەیل، وتیش: راگەیاننیش رۆڵیگ گرنگ دیرێد کە توەنێد هوشیاری گشتی بەرزەو بکەێد، و گرنگی مقیەتیکردن ژینگە ئەرا مەردم بناسنێد، وە بەرهەمکردن و بڵاوکردن باوەتەیلیگ ئەرا رووشنهویرکردن لەبان پرسەیل ژینگەیی.

 لە کۆتایی وتیش: لەوەر گرنکی مقیەتیکردن سامانەیل سروشتی، چەوەڕی لە گشت هاوڵاتیەیل کریاس رکدار بوون لەبان مقیەتیکردن ئی میراتی نرخدارە، وە جیوەجیکردن ریکارەیل بیوەیی، و دویرکەفتن لە هەر چشتیگ بوودە مدوو هیزگردن ئاگر.